List of Tanzania 50 Top Church leaders

Jamani wapendwa, hivi ukitaka kujua nani wawe kwenye list ya 50 top church leaders or pastors, teachers,apostles, evangelists or prophets tutatumia kigezo gani?

1.Wingi wa watu?

2.Uwezo wa kufanya miujiza ,ishara na ajabu?

3.Uwezo wa kufundisha na kuwafanya watu wanafunzi wa Yesu?

4.Uwezo wa kifedha/ mali?

5.Muda mwingi au miaka mingi katika utumishi?

6.Maisha matakatifu yenye ushuhuda ?

7.Kujulikana sana ndani na nje ya mipaka ya Tanzania?

au ni nini jamani wapendwa?

hebu tusaidieni hapa.

Baadhi ya picha za watumishi wa Mungu Tanzania.

Apostle Maboya(Ni kati ya watumishi waliokuwa wakijitambuisha kama mtume miaka ya mwanzo kabisa ya 90,kipindi hicho ukisikia mtu anajiita mtume ilikuwa si jambo la kawaida kama ilivyo siku hizi)

Pia ni mwanzilishi wa kanisa la Revival Assemblies of God Tanzania

Mama Getrude Rwakatare, Ni mmoja kati ya wachungaji wachache Tanzania wenye uwezo mkubwa kifedha, pia ni kati ya watanzania matajiri wakubwa.Anamiliki Shule za St. Marry's International.

Ni mwanzilishi wa Huduma/Kanisa la Mikocheni "B" Assemblissies of God.

Ni Mchungaji mwanamke mwenye mafanikio zaidi hapa nchini

Mwalimu Christopher Mwakasege.Ni mmoja kati ya waalimu wa injili maarufu hapa nchini ambaye huduma yake ya uwalimu inakusanya watu wengi sana katika mikutano na makongomani anayofanya sehemu mbalimbali hapa nchini.Anaongoza Huduma ya New Life Crusade/ New Life in Christ.

Mchungaji Christopher Mtikila.Ni Mchungaji wa kanisa ambalo wengi hatulijui jina lake.Ila ni mmoja kati ya wachungaji maarufu sana hapa nchini kwa miaka mingi hasa kuanzia miaka ya mwanzoni mwa 90.Ni mwenyekiti wa chama cha siasa cha upinzani hapa Tanzania na ni mpigania haki mashuhuri sana kwa miaka mingi.Ameshakamatwa mara nyingi sana na kushikiliwa na hata kufungwa.Amewahi pia kuishinda serikali mahakani mara kadhaa na amejizolea umaarufu sana kwa uwezo wake wa kuongea bila uwoga.Pia ni muhubiri na mwalimu wa miaka mingi wa Injili.

Askofu Zakaria Kakobe wa Full Gospel Bible Fellowship.Ni mmoja kati ya wachungaji maarufu sana hapa nchini.Anafahamika kwa kuwa na pengine kanisa la kiroho la mahali pamoja kubwa zaidi kwa idadi ya watu pengine kuliko mtumishi mwingine hapa nchini.

Ibada zake za kwenye TV za miujiza kwa miaka mingi zinawavutia wengi.

Mtume Veron Fernandez wa Agape Ministry.Ni mmoja kati ya watumishi wa kwanza kabisa kuhubiri katika Television na kumiliki kituo cha television hapa Tanzania.Anamiliki kituo cha ATN kituo cha kwanza cha kikristo hapa Tanzania.
amejipatia umaarufu mkubwa sana kwa mahubiri yake ndani na nje ya nchi.

Askofu Moses Kulola wa Evangelist Assemblies of God Tanzania.Ni mmoja kati ya watumishi waliotumika muda mrefu zaidi pengine kuliko wengi tunaowaona siku za leo.Ametumika kwa karibu miaka 60 akihubiri injili kutoka vijijini hadi mijini hapa nchini na nje ya nchi.Aina ya injili yake na style ya mahubiri yenye kupenya ndani ya nafsi imekuwa ikiwagusa sana watu wengi.Ni muhubiri pengine mwenye watoto wengi wengi wa kiroho kuliko yeyote aliyewahi kutokea tanzania.Kanisa lake limesambaa karibu kila kona ya Tanzania

Nabii GeorDavie wa GeorDavie Ministry iliyoko Arusha ni mmoja ya watumishi wanaokuja kwa kasi sana hapa nchini hususani mjini Arusha.

Huduma yake ya uponyaji na miujiza imekuwa ikipata umaarufu mkubwa sana hapa nchini.

Askofu Sylivester Gamanywa wa WAPO Mission na Huduma ya Hakuna lisilowezekana.

Ni Mtumishi wa kwanza kumiliki kituo cha Radio cha kiroho hapa tanzania (WAPO Radio FM) na gazeti la kwanza la kipentekoste (Msemakweli).

Amejizolea umaarufu mkubwa kwa ibada zake za maombezi anazoziendesha na huduma ya hakuna lisolozekana.Pia ni mwenyekiti wa baraza la makanisa ya kipentekoste Tanzania (PCT).

Amejizolea umaarufu serikalini hadi kuteuliwa kwenye tume ya taifa ya kudhibiti ukimwi.

Naomba ieleweka kwamba hawa waliotajwa hapa kwa picha haina maana ndio top Gospel Preachers/ Watumishi wakubwa kabisa hapa Tanzania bali ni mfano tu wakiwakirisha wengine waliopo hapa nchini.